عشق رغم القيود سلمى نصار
الخارج إلى الداخل ودخل عليه صديقه زين بمرح وهو يلاعب حاجبيه لمراد وهو يقول اى يا مرادى شايفك نازل الشركه يعنى وانت عريس جديد
فقال مراد بحدة مصطنعة اتلم يا زين احسنلك ما انت عارف اللى فيها وعارف ان سما عنيده
قال زين بهدوء بعدما لاحظ الضيق في نبرة مراد قاله بتعقل بس بتحبك يا مراد انت عارف انها بتعاندك عقاب بس مش اكتر لكن حبك فى قلبها موجود زى ماهو عايش جواك
قال مراد بألم عارف يا صاحبى بس الكلام سهل انت متعرفش سما وبعدين انا جرحتها جرح كبير لما اتنازلت عنها بسهوله
قال زين لا تقلق يا مراد بص انا عندى فكره اى رايك تخلى اختها تساعدك مش انت بتقول انها كانت عارفه حكايتكم وعلاقتك بيها كويسه
فقال مراد بصدمة ايوه الله ينور عليك انا ازاى تاه منى انى اكلم سمر تساعدنى خلاص كلمها وشوف هتقولك اى ثم قال خلاص هاكلمها تجيلى الشركه واتكلم معاها وانت كمان تيجى نفكر كلنا سوا
فقال له زين تمام انا هاروح مكتبى ولما توصل كلمنى على طول
تركه زين وخرج واتصل مراد بسمر وطلب منها أن تأتي إلى الشركة فقالت له ساعة وتكون عنده ومرت الساعة فاتصل مراد على زين وقال له تعالى سمر على وصول
خرج زين متوجها إلى مكتب مراد في نفس الوقت الذي وصلت فيه سمر وأول ما رآها زين قال اوووووبا اى الحلويات اللى عندنا دى لا وصغنونه كمان واقترب منها مبتسما ومغمزا وقال انت مين يا جميل وبتعمل اى هنا
نظرت إليه سمر بقرف وقالت نعم وانت مالك اصلا انا مين وسع كده عدينى
فقال زين بغلاسة لا والله ما يحصل انا لازم اساعدك
فقالت سمر بزهق لا معلش مش محتاجه مساعده من فضلك خلينى امشى
فقال زين بسهوكة واهون عليكى
فقالت سمر بسخرية ياختى قطه كان حد قالك انك ابن اختى وانا معرفش دى الارف ده ابو شكلك بارد وزقته وعدت متجهة إلى مكتب مراد
وقف زين مصدوما من أن فتاة بهذه الحلاوة لسانها طويل ثم توجه إلى مكتب مراد هو أيضا وما إن دخل حتى رآها وضحك وعرف وقتها أنها أخت سما
أما سمر فنظرت إليه بقرف وقالت له هو انت ليه عامل زى الملح حاشر نفسك فى كل حاجه
ضحك زين ومراد على كلامها فقال لها مراد وهو يبتسم عملك اى الرخم ده يا سموره قوليلى بس وانا ازعلهولك
فقال زين لا يا حبيبى متتعبش نفسك هى مش محتاجه مساعده ده هزقتنى بره
فخجلت سمر ووضعت رأسها في الأرض بابتسامة خجولة فضحك مراد وقال له احسن مش خساره في طيبه قلبك واعتذر زين من سمر فقبلت اعتذاره
بعدها قال مراد لها إنه يحتاج مساعدتها وحكى لها ما حدث بينه وبين سما فردت سمر بحماس وقالت له بس انا عندى الحل مش انت بتقول انها اتضايقت من سيره ديما احنا نشتغل على نقطه الغيره دى جننها بيها وفى نفس الوقت متديهاش اهتمام انت اعتذرت منها وهى رفضت خلاص اقعد بقا طول ما هى موجوده معاك ماسك الفون كانك بتكلم ديما واعتبر سما هوا خليها تتجنن اكتر
فنظر إليها مراد وزين بصدمة وإعجاب في الوقت نفسه وقال لها زين يخربيتك ده انتى رهيبه صحيح كيدهن عظيم
ضحكوا جميعا وقالت سمر اختى وانا عارفها الغيره هى اللى هتخليها تتحرك واتفقوا على كل شيء ثم قالت سمر لمراد إنه يجب أن ترحل وكان مراد يريد إيصالها لكنها رفضت إلا أن زين أصر على أن يقوم هو بتوصيلها فقال مراد تمام
