روحت الحق اخويا من القسم

يا مروان شكلك مش طبيعى فى اى خوفتنى 
رفع عينه وقال لها 
لمار أنا بحبك
اتصدمت لمار وقلبها دق بسرعه وكانت فرحانه اوى وقالتله 
وأنا كمان بحبك يا مروان 
ابتسم ابتسامة صغيرة بس رجعت اختفت بسرعة وقالها 
بس
قالت بقلق
بس إيه
قالها بتنهيده حزن
أنا مش من مستواكى يا لمار إنتي عايشة في فيلا وأنا واحد كل اللي معاه شغله وبيته أنا خايف أظلمك معايا
قربت منه وقالتله بحب 
انت راجل بجد يا مروان 
إنت أنقذتني وقفت قدام تلاتة عشان واحدة متعرفهاش ودلوقتى بعد ما حبتنى وبتخاف عليا اكتر من نفسى افكر فى الفلوس لا بالعكس الراجل هو اللى بيعمل الفلوس مش العكس
بصلها وهو متردد وقالها 
بس أهلك ممكن يعترضو
قالت بثقة
أهلي يهمهم أكون مع راجل محترم وإنت أكتر واحد حسسني بالأمان
سكت شوية وبعدين قال
أنا عايز أتقدملك رسمي
ابتسمت وهي بتحاول تخبي دموعها
وأنا مستنياك تقولها من أول يوم عرفتك فيه 
وفي اللحظة دي مروان حس لأول مرة انه ابتدى يكون انسان جديد
فى نص الليل بتقوم يارا من النوم مفزوعه بسبب كابوس 
بيقوم خالد بيقولها مالك يا حبيبى فى اى 
قالتله ببكا انا خايفه اوى على مروان يا خالد وقلبى مقبوض حلمت بيه حلم مش حلو 
ضمها لقلبه وقالها متخافيش يا حبيبتى انا بكره هاوديكى ليهم 
قالتله بلهفه بجد يا خالد 
قالها بجد يا عيون خالد 
وبالفعل تانى يوم راحو البيت عند اهلها وقعدت معاهم يارا وهى فرحانه واهاها كمان فرحان بوجودها هى وخالد بس الوحيد اللى كان متضايق من وجوده مروان اللى حاسس ان اخته بتمثل عليه السعاده 
بس خالد قاله بقعدو مع بعض ف البلكونه شويه
وقاله مروان انا عارف انك مش بتحبنى بسبب اللى حصل بس اللى عايزك تتاكد منه انى بحب يارا وبعشقها واستحاله اطلقها ابدا لانها بقت روحى 
رد عليه مروان وقاله انت عايزنى اصدق كلامك ازاى ويارا متجوزاك غصب
ردت عليه يارا اللى دخلت من بره وقالتله صدقنى يا مروان لو قلتلك رغم انى كنت مغصوبه ع جوازى من خالد الاول بس دلوقتي بحبه لدرجه انى مقدرش اعيش يوم من غيره 
رد مروان بابتسامه وقالها وانا ميهمنيش غير نظره السعاده اللى ف عيونك دى 
انتى متعرفيش انتى ريحتى قلبي ازاى ربنا يسعدك يا حبيبتى 
وخلى بالك منها ياخالد يارا رغم انها عصبيه ومجنونه بس قلبها ابيض اوى وبتتصالح بسرعه 
رد خالد بضحكه عاليه هبله يعنى
ضحك مروان وقاله حاجه زى كده 
قالتلهم يارا بزعل مصطنع لا والله اتفقتو عليا انتو الاتنين 
ضمها خالد ليه وهو بيقولها منقدرش يا روحى 
بصتله بابتسامه وهى من جواها فرحانه انه قرب من اخوها عشانها
بعد ما خالد خلص كلامه مع مروان اكتشف قد ايه قلبه طيب و
ان الراجل ده بقى بالنسبة له زي أخوه بالظبط مروان بعد شوية سكات قال له انا كنت عايز احكيلك على حاجة
خالد رد عليه على طول احكي يا مروان في ايه
مروان قال له من حوالي يومين قابلت بنت بالصدفة كان في واحد بيضايقها وبيحاول يرخم عليها بس انا لحقتها وفضلت معاها لحد ما وصلتها بيتها ومن ساعتها وانا مش قادر ابطل تفكير فيها
خالد ابتسم وقال له طيب فين المشكلة
مروان تنهد وقال المشكلة اني حاسس انها أعلى من مستوايا وخايف اتقدم لاهلها يرفضونى 
خالد بص له باستغراب وقال له أعلى من مستواك ايه بس يا بني انت راجل محترم وشغلك كويس
مروان قال له بس انا حاسس اني أقل منها
خالد حط ايده على كتفه وقال له لا ما تخافش انا معاك وهساعدك بس قولي اسمها ايه
مروان قال له اسمها
وخالد وعده انه يعرف كل حاجة عنها وفعلا دور وسأل لحد ما عرف انها أخت واحد صاحبه
كلم صاحبه وقال له مروان ده شخص محترم وده أخو مراتي وقابل أختك بالصدفة وحبها وعايز يتجوزها
الراجل ارتاح لكلام خالد ووافق انهم يتقابلوا
وفعلا راحوا واتقدموا ومروان قرأ الفاتحة واتحدد معاد الفرح كمان
ومن يومها ومروان اكتشف ان اخته اتجوزت راجل بجد يعتمد عليه 
ووصلنا ليوم فرح مروان واليوم كان جميل بكل تفاصيله الكل كان فرحان والضحك مالي المكان. وبعد ما الفرح خلص مروان كان حاسس إن قلبه طاير من السعادة.
قرب من لمار وهو بيقول
أنا مش مصدق نفسي يا لمار أنا طول عمري حاسس إنك حلم مستحيل يتحقق
أنا بحبك قوي
ردت عليه بعيون مليانة فرحة وحب
وأنا بعشقك يا مروان إنت بطلي وقعت في غرامك من أول لحظة أنقذتني فيها
ضمها مروان لحضنه وقال
ربنا يخليكي ليا وتفضلي طول العمر معايا
وتاهوا الاتنين في عالمهم الخاص عالم مفيهوش غيرهم.
أما بقى عند المجانين بتوعنا
خالد كان سايق العربية بسرعة وهو متعصب من الفستان اللي يارا كانت لابساه عشان كان مبين جمالها زيادة عن اللزوم.
قالتله وهي بتضحك
الله يا خالد مش إنت اللي مختار معايا الفستان
قالها بضيق
أيوه مختاره معاكي بس مكنتش فاكر إنك هتلحقي تتخني في الأسبوع ده
قالتله بصدمة مصطنعة
إخص عليك يا خالد أنا تخنت
قالها
أيوه يا حبيبتي إنت اليومين دول رايحة جاية على التلاجة ولا بتعملي بيات شتوي
ضربته في كتفه بغيظ وقالت
وإيه يعني لما أكون جعانة
وبعدين كملت
وبعدين الفستان أصلا مقاسه صغير من الأساس
وبخبث كملت
ولا إنت جايب الحجة دي ومش راضي تعترف إن الفستان كان حلو عليا لدرجة إنك لما شفت حد مركز معايا قومت ضربته وكنت هتبوظ الفرح
قالها وهو متعصب
إنت بتفكريني يا بت
ده أنا لو طولت أولع فيه كنت عملتها
بيبص عليكي بتاع إيه وإنت واقفة معايا ده شكله أهبل
يحمد ربنا إني ضربته بس وما بيتش في الحجز
بصتله بحب وقالت
كل ده عشان بس بصلي
قالها بغيرة
وأكتر من كده كمان
أنا بعشقك يا يارا وبعشق كل حاجة فيكي
ومبستحملش عليكي الهوا
ده أنا بغير عليكي من أمك وأبوكي
ومروان أخوكي مش هغير
ما بالك بقى حد غريب
عيونها لمعت وهي بتقوله
وأنا كمان بحبك قوي يا خالد
إنت أحلى صدفة دخلت حياتي
ومن يومها وربنا كتبلي السعادة على إيدك
ربنا يخليك ليا يا حبيبي وما يحرمنيش منك
قالها بابتسامة
ويخليكي ليا يا حبيبتي
وبرضه الفستان ده لما نروح هيتقطع ومش هتلبسيه تاني
ضحكت عليه من جنانه وغيرته وكملوا طريقهم سوا وهما مبسوطين وقلبهم مليان حب.
عدى تلات شهور عرفت فيهم يارا انها حامل وخالد اهتم بيها الفتره دى لانها كنت تعبانه ومسبهاش لحظه
حتى الاكل كان بياكلها بايده وهى كانت مبسوطه باهتمامه 
خالد كان مجهزلها الاكل كالعاده وقرب ايده من فمها وقال
فاضل ورك يخلص وهاسيبك يا حبيبتي
ردت عليه وبقها مليان اكل
يا خالد حرام عليك انا بطني منفوخه من الاكل مش من الحمل انا على ما اولد هبقى قد الفيل
قرب ايده تانى ناحيه بوقها وهو بيقول 
عاجبني يا قلبى اهو احسن عشان يبقى فيكي صحة ليا وللعيال
بصتله بغل وقالت
اه قول كده بقى عامل لمصلحتك
ضحك بقوه وقال
يا بنتى حرام عليكى تظنى فيا كده مش كفايه مبهدلانى معاكى من اول يوم حملتى فيه
هزت راسها بيأس وهي بتضحك وقالت
حرام عليك يا خالد انا مبهدلاك ولا انت اللى بتهتم بيا عشان ولادك اللى هتحبهم اكتر منى
بصلها بعشق وقال
بحبهم عشان ربنا كرمني بيهم منك انتى
بعشقهم عشان كل ما اشوفهم افتكر قد ايه تمسكتي بيا وحاربتي عشان تكسري عنادي وتكسبيني
عشان اتحديتي قسوتي وكسبتي التحدي يا عمر خالد
بصتل
بحب وقالت
وانا كمان هحبهم عشان حتة منك يا حبيبي
وقفتك جنبي وقعادك معايا كل الفتره دى عندى بالدنيا
قسيت عليا في الاول انما في الاخر ومن يوم ما دخلت بيتك وانا اللي عشت في الجنة مش انت
كل دمعة نزلت من عيني عوضتها بألف ضحكة
كل وجع حسيت بيه وعشقك دواهولي
عمري ما هنسى التلت شهور دول يا خالد
انت رفضت تخلي امي تخدمني
وحاجات كتير عمري ما هنساها ربنا يديمك نعمة في حياتي
ما قدرش يمسك نفسه اكتر من كده