روحت الحق اخويا من القسم

وع مين انا بس اتضايقت ان ليه ضره مش اكتر
قالها بخبص اه باماره انك زعلانه انى خونتك وانى مش بحبك 
قالتله بصدمه 
اى يعنى انت بجد مش بتحبنى 
ضحك عليها هو بصوت عالى 
وقالها شوفتى انتى وقعتى بلسانك ازاى
نزلت هى راسها فى الارض بخجل ودموعها لمعت ف عيونها 
رفع وشها ليه بصباعه وقالها متنزليش عينك من عينى تانى انا فعلا مش بحبك يا يارا انا بعشق التراب اللى بتمشى عليه وعينى خلاص مبقتش تشوف غيرى حتى لو انا عايز
ردت هى بسرعه اه عشان اعميك لو بصيت لغيرى 
ضحك مره تانيه وهى تاهت فى ضحكته وقالها ده انتى مولعه من الغيره مش غيرانه بس 
اتكسفت هى ومردتش 
قالها لا دلوقتي مفيش سكوت انا عايز يارا ام لسانين دلوقتي مش اللى القط اكل لسانها
ردت هى بخجل ودلع وقالتله الله انت مش بيعجبك اى حاجه
قالها لا عجبانى واوى كمان بس عايز اسمعهة منك يا يارا واتاكد انك فعلا بتحبينى زى ما بحبك 
قالته انا بحبك اوى يا خالد منكرش انى اول ما قابلتك ماكنتش بطيقك بس دلوقتي روحى تروح منى لو بعدت عنى انت بقيت كل حياتى انا بعشقك يا خالد
شوق ولهفه وتاهو مع بعض ف عالمهم الخاص
تانى يوم الصبح صحيت يارا وهى مبتسمه من ملامح خالد اللى نايم جمبها بكل براءه وحمدت ربنا انه جمعهم مع بعض بس ابتسمت بخبث لما جاتلها فكره مقلب تعمله فى خالد بصت له وراحت مصرخه ف وشه مره واحده وهى بتشد الغطا عليها وبتقوله
قوم يا قليل الادب ايه اللي انت عملته ده
قام خالد مخضوض وهو بيسحب سحب سلاحه وبيبص حوليه بتوهان
في ايه يا يارا 
عضت ع شفايفها عشان تكتم ضحكتها وقالتله بصدمه مصطنعه
انت اتجننت انت ازاي تعمل فيا كده
بصلها باستغراب وهو بيحاول يهدى نفسه وهو بيقول 
اللهم طولك يا روح
ضربته ف كتفته وقالته
جاوبني يا بني ادم انت انت لسه هتنفخلى
قالها ببجاحه
انتى عايزة تفهميني انك مكنتيش في وعيك امبارح واللى حصل بينا مش فاكراه خالص
بصلها بعبث وهمس
طيب افكرك بكام كلمه كده قولتيهم ليه 
بصتله بدهشه وردت بتردد
انا قلت ايه
ابتسم بمكر وقلد صوتها
خالد انا حبيتك اوى يا خالد انا روحى تروح من غيرك
فتحت بؤها بذهول وقالت
لا لا انا مستحيل اقول كده
لا قولتي وكمان قولتي انك
بتعشقينى 
اتجمدت من الكسوف ووشها احمر وهمست
ايه
بعمق وهمس
بعشقك يا يارا 
فتحت عينيها بالراحه وهمست بصوت ناعم
عمر يارا انت 
ضمها ليه وقال بصوت واطي
الليله اللي فاتت كانت بعمرى كله 
قالته ان شاء الله كل ليالينا مع بعض هتكون بعمرنا كله
قامت يارا ودخلت المطبخ تحضر الفطار لخالد ع ما يخرج من الحمام وفجاه الدخان ملى المكان خرج خالد من الاوضه وقال بدهشه
في إيه يا يارا مالك إيه الدخان ده
يارا بزعل
أنا آسفة يا خالدقلت أعملك فطار ومكنتش عارفة أعمل إيه دخلت على النت أشوف أي وصفة جديده وشوفت طريقة البان كيك ومشيت على الطريقة بالظبط بس مش عارفة إيه اللي حصل.
عملت الوصفه كلها صح وحطيت البان كيك ف الطاسه ورحت أغير هدومي رجعت لقيت كل حاجة محروقه زي ما إنت شايف في اى الناس اللى معندهاش ضمير بجد 
خالد كان كاتم الضحكة وحضنها من ضهرها وقال
صباح الهنا الأول.
يارا بزعل
صباح الخير.
خالد
فعلا ناس ما عندهاش ضمير المفروض وهما بينزلوا الوصفة على النت يقولوا خلي بالك يا يارا ما تطلعيش تغيري هدومك وكمان ما تسيبيش النار عالية على الأكل علشان ما يتحرقش اى الناس الوحشه دى
وكتم الضحكة.
يارا لفت له وبتتهزر
إنت بتتهزر صح إنت قصدك إني ماكنتش المفروض أسيب الأكل كل الوقت ده على النار
خالد
حبيبتي البان كيك ما بياخدش وقت ولازم تكونى واقفه جمبه المهم الحمد لله إنك بخير وبعدين مين قالك تتعبي نفسك 
يارا بدلع
حبيبي أنا كنت عايزة أعملك الفطار واجيبهولك لحد عندك زى الافلام كده 
ضحك عليها بصوت عالى 
وقالها انا ميهمنيش كل ده انا الاهم عندى انك فى حضنى 
تاني يوم خالد خد يارا وخرجو مع بعض
كانو قاعدين في كافيه هادي
خالد بص حواليه كذا مره كأنه بيدور على حد
يارا بصتله بغيظ وقالت
انت بتدور على ايه ولا بتدور على بنت من اللي تعرفهم
خالد بحده
اهدى يا يارا انتي هتتجنني هنا كمان ولا ايه
اهدى احسنلك عشان ما اروحكيش
يارا بجنون وغيرة
اروحني نعم يا خويا
ده انا مراتك وعلى قلبك في اي حته تروحها
واللي تفكر بس تبصلك
هاخليها تمشي بعين واحده
خالد بص في عينيها وقال بهدوء
انتي مش مراتى وعلى قلبي لا
انتي جوه قلبي وعيني كمان
يارا بصتله بنظره تحدي وقالت
ده غصب عنك مش بمزاجك يا حبيبي
خالد ضحك وقالها
يا بت اظبطي بقى احنا بره البيت
بس اما نروح هنشوف بمزاجي ولا لا
ضحكو الاتنين وكملو خروجهتم وهما مبسوطين 
أما عند مروان فمن وقت جواز أخته وهو مشيل نفسه مسؤولية اللي حصلو إحساس الذنب ما بيفارقوش أبدا من ساعتها وهو مضيع وقته كله في الشغل بس على الأقل الشغل بقى منتظم فيه وبيهرب بيه من تفكيره.
وفي يوم وهو مروح من الشغل شاف بنت جميلة قاعدة في عربيتها وبتصوت وتلات شباب متجمعين حواليها بيحاولوا يفتحوا الباب بالعافية ويضايقوها
مروان قرب عليهم بسرعة وهو بيزعق
سيبوها
واحد من الشباب زقه وقال له
متعلمش قلق وإحنا هنبسطك وكل ده
والبنت جوه العربية كانت مرعوبة عينيها مليانة خوف وبترجي مروان
أرجوك متسبنيش معاهم
قال لها بثبات
متخافيش محدش هيقربلك
الشاب زقه تاني وقال
طب غور بقى من هنا يا شبح عشان هتزعل دلوقتي
رد عليه مروان بحدة
إنت اللي هتزعل دلوقتي يا روح أمك
ونزل فيه ضرب لحد ما وقعه على الأرض وأول ما الاتنين التانيين شافوا صاحبهم واقع جريوا من غير ما يبصوا وراهم. وهو كمان قام بالعافية وجرى.
البنت نزلت من عربيتها لسه بتترعش وقالت لمروان
شكرا بجد أنا مش عارفة من غيرك كان هيجرالي إيه
ابتسم وقال
حصل خير يا آنسة المهم بس ما تمشيش لوحدك بليل تاني
قالت له
أنا كنت تايهة أصلا
قال لها
تمام تعالي أوصلك
وفعلا وصلها واتصدم لما لقاها ساكنة في فيلا كبيرة. نزل من العربية وهو بيودعها وفي قلبه زعل إنه غالبا مش هيشوفها تاني.
وأول ما لف يمشي ندهت عليه
استنى أنا لسه ما عرفتش اسمك
بص لها وقال
اسمي مروان
بصت له بخجل تايهة في ملامحه الوسيمة
اسمك حلو قوي أنا اسمي لمار
وبجد حابة أشكرك تاني على اللي عملته معايا
ابتسم ابتسامة خطفت قلبها وقال
أنا معملتش غير واجبي
قالت له بتردد
طيب ممكن نبقى أصحاب
رد عليها
طبعا
وأخد رقمها وهي أخدت رقمه. ومن اليوم ده وهم كل يوم بيتكلموا يوم ورا يوم لحد ما الاتنين حبوا بعض.
ومروان بقى نفسه يتقدملها بس كان خايف من الفرق اللي بينهم.
مرت أيام كتير ومروان بقى متعلق بلمار غصب
عنه صوتها وضحكتها بتهون عليه كل اللي شايله بس كل مرة يفكر يتكلم في الجواز منها بيخاف
وفي يوم كان قاعد في العربية قدام الشغل ماسك الموبايل وباصص في اسمها على الشاشة قبل ما يرن.
ردت
مروان عامل اى وحشتنى 
تنهد وقال
لمار هو إحنا ممكن نتقابل شوية عايز أتكلم معاكي في حاجة مهمة
سكتت ثانية وبعدين قالت بابتسامة
تمام أنا مستنياك
قابلها في كافيه هادي أول ما شافها داخلة قلبه دق بسرعة وقعدوا قدام بعض وهو شارد شوية
قالت
مالك