تحت سطوه ليل سلمى نصار
ما راحتش الجامعه
عيون قعدت على السرير الموبايل في إيدها ووشها باين عليه الارتباك رنا قاعدة قصادها حاطة رجل على رجل وبتبص لها بنظرات مليانة فضول.
رنا
يلا يا عروسة اطلعى باللى مخبياه عليا أنا شايفة عينيكي مش طبيعية من امبارح. في إيه
عيون بتتنهد وهى كل شويه تبص للفون
مفيش والله يا رنا
رنا بتخطف الموبايل منها بسرعة
أهو الموبايل اللى كل شويه تبصى فيه ده هو اللي هيقول.
عيون
بطلى رخامه يا رنا وهاتى الفون بقا
رنا فتحت الشاشة لقت الرسائل وبدأت تقرا بصوت عالي
إنتي تخصيني مفيش حاجة اسمها حياتك ليكي
وقفت ووشها اتغير
هو إيه الأسلوب ده مين الراجل ده يا عيون!
عيون بتحاول تاخد الموبايل
هو هو نفس الراجل اللي أنقذنا امبارح في الكافيه.
رنا اتفتح عينيها بدهشة
إييييه! يعني هو مش صدفة ده من أولها عامل نفسه البطل وبعدين بعتلك الرسايل دي!
عيونبهمس
مش عارفة يا رنا كلامه يخوف بس في نفس الوقت مش قادرة أنكر إن قلبي بيتشدله.
رنا بحزم
لا يا عيون ركزي. ده باين عليه مسيطر بشكل مرعب. أي علاقة تبدأ بكلمة انتي ملكي نهايتها مش هتكون سهلة.
عيونمشتتة
يمكن يمكن هو بيخاف عليا.
رنا بابتسامة ساخرة
يخاف عليكي إيه! ده أول يوم يعرفك فيه. يا بنتي ده باين عليه عايز يحطك في قفص
عيون سكتت بصت للموبايل اللي في إيدها ورجعت نظرها لرنا
طب أعمل إيه
رنا قربت منها ومسكت إيدها
تسمعي كلامي. متخليش أي كلمة من كلامه تسيطر عليكي. انتي مش لعبة عند حد.
عيون سكتت قلبها متلخبط ورنا لسه ماسكة إيدها. فجأة الموبايل رن بإشعار جديد.
رنا بسرعة بصت على الشاشة قبل ما عيون تمد إيدها الرسالة طلعت من نفس الرقم.
فتحتها بصوت عالي
إنتي بتفكري فيا دلوقتي صح
عيون اتجمدت مكانها الدم جري في وشها أما رنا وشها قلب جد.
رنا
اى يا بنتى الرعب ده هو إزاي واثق كده من نفسه
عيون بصوت واطي
يمكن عشان صح. أنا فعلا بفكر فيه.
رنا مسكت الموبايل وحطته على الترابيزة
لأ كده خطر. لازم تبعدي عن النوع من الرجاله
الموبايل رن تاني بسرعة رسالة جديدة
ولو كنتي قاعدة مع صاحبتك دلوقتي قوليلها تبطل تحشر نفسها بينا. أنا مش بحب الناس الفضوليه زياده عن اللزوم
رنا شهقت
إييييه!! ده عارف إني معاكى دلوقتي!
عيون بصت لها برعب همست
يبقى بيراقبنى يا رنا من امبارح وانا حاسه انه هو بيراقبني.
رنا قامت بسرعة وهي متوترة
لأ كده الوضع مش طبيعي عيون أنا مش مرتاحة خالص. الراجل ده مش مجرد معجب ده مهوس.
عيون رغم الخوف اللي في عينيها لقت نفسها بتمسك الموبايل بحرص كأنه كنز
بس قلبي مش قادر يبعد عنه ازاى معرفش
رنا واقفة مرتبكة قدامها بتحاول تهديها وتفهمها إن اللي بيحصل مش طبيعي.
عيون رغم الخوف لقت نفسها بتتسحب تبص على الموبايل كل شوية.
وفجأة إشعار جديد.
رسالة قصيرة جدا لكن قلب عيون وقع من مكانه
عمرك ما هتعرفى تبعدى عنى لانى مش هسيبك تعملى كده
إيد عيون رجفت وهي بتوري الموبايل لرنا
رنا شهقت
هو.... هو سمعك ازاى
عيون بصت حواليها بخوف عينيها بتدور في الأوضة كأنها مستنية يطلع من أي زاوية
الإحساس بالتملك اللي في كلماته كان أقوى من أي حاجة ومع ذلك جواها حاجة غريبة فرحت إنها بقت مخصوصة عنده.
والأوضة غرقت في صمت تقيل
بعد شويه رنا نزلت من عند عيون بعد ما هديتها شويه وخلتها تنام.
رنا كانت سايقة عربيتها بسرعة ومش مركزة دماغها كلها مشغولة بعيون وقلبها كان بيتقبض كل ما تفكر في عيون ليل ونظرته وهوسه بعيون
وفجأة خبطه قوية رجت العربية
يا نهار أبيض!
نزلت بسرعة مرعوبة تشوف إيه اللي حصل لقت عربية فخمة متبهدلة من الجنب والراجل صاحبها نازل منها متعصب جدا.
إيه يا آنسة! مش قد السواقة تتنيلي ليه!
حضرتك خلي بالك من كلامك! انا مقصدتش اخبط
قاطعها بصوت عالي
اى ده يا حلوه وكمان بترفعى صوتك عليا! إنتي محتاجة تتربي بقى.
رنا وشها احمر من الغضب قلبها بيخبط بس عنادها كان أقوى. مدت إيدها وصفعته بالقلم على وشه صفعة دوت في الشارع.
دى عشان تتعلم إزاي تكلم بنات الناس يا حيوان!
ولمحت إن الناس بدأت تبص عليهم بسرعة رجعت ركبت عربيتها بسرعه وضغطت بنزين وجريت.
الراجل فضل واقف مكانه ماسك وشه وضحكة غريبة ارتسمت على شفايفه.
طلع موبايله واتصل بحد
هبعتلك نمرة عربية حالا. عايز أصغر تفصيلة عن صاحبتها و كل حاجة عنها من اول ما تولدت
قفل المكالمة وهو بيبص في المراية الجانبية للعربية عينيه مولعة غضب
ورحمة أبويا لأربيكي على القلم ده. وهتشوفي مني سواد عمرك ما شوفتيه.
تحت سطوه ليل سلمى نصار
