عشق رغم القيود سلمى نصار

فى مقهى هادئ كانت سما تجلس قبالة مراد الذي يقول لها بشوق 
وحشتيني يا سمايا كده اسبوع بحاله مش قادر اشوفك
قالت له سما بحب
ما انت عارف يا مراد ان بابا مش بيوافق اخرج غير للجامعه بس والاسبوع اللى الفات كان اجازه
قال لها مراد بحب
ولا يهمك يا حبيبتى المهم انى شوفتك النهارده واطمنت عليكى
فقالت سما بحب
ربنا يخليك ليا يا حبيبى ومتحرمش منك ابدا تعرف يا مراد انا عمرى ما كنت اتخيل احب حد كده انت متعرفش حالتى كانت عامله ازاى الاسبوع اللى فات
قال لها مراد بحب
مش اكتر منى يا سما انتى متعرفيش انتى بالنسبالى اى انتى بقيتى الحلم اللى انا عايش عشان احققه انا بتمنى يجى اليوم اللى هيجمعنا سوا
فقالت سما بخجل
يارب يا مراد وانا كمان بتمنى نكون مع بعض دايما
قال مراد بلهفة
قريب ان شاء الله يا حبيبتى
قالت سما بفرح
بجد يا مراد
قال مراد بحب
بجد يا عيون مراد انا كنت مستنى انك تخلصى اخر سنه ليكى عشان اتقدملك وانتى خلاص باقيلك شهر الامتحانات بس عشان كده انا هكلم بابا النهارده عشان يطلب يحدد معاد مع باباكى
قالت سما بفرحة
انا فرحانه اوى يا مراد النهارده احلى يوم فى حياتى
فقال مراد بحب
ان شاء الله كل ايامنا الجايه هتبقي احلى عشان هنكون مع بعض يا حبيبتى ويلا بينا دلوقتي اوصلك عشان متتاخريش
فقالت له سما بحب
يلا بينا
عاد مراد الى البيت وهو في قمة سعادته وما إن دخل حتى قابل اخاه عمر الذي كانت ملامح الفرح واضحة على وجهه ايضا
قال له مراد
مالك يا عمر وشك بيقول ان فى خبر حلو صح ولا لا
فضحك عمر وقال
ايوه عندى ليك خبر حلو يا مراد
ضحك م
راد عاليا وقال
الله بقا ده شكله يوم الاخبار الحلوه
قال عمر
وانت كمان عندك خبر حلو ولا اى
فقال مراد
ايوه طبعا خبر كلكم مستنينه
قال عمر بفرح
يبقي نويت تتجوز
قال مراد
ايوه
ضحك عمر وقال
بصره يا شقو كده هنبقي مع بعض
نظر له مراد بصدمة وقال
عمر انت بجد نويت تتجوز
فقال عمر
ايوه يا مراد انا لسه دلوقتي خارج من عند بابا وعرفته كل حاجه
قال مراد وهو سعيد لاخيه
لا ده كده الموضوع محتاج قعده تعالى بقا واحكيلى مين سعيده الحظ
قال عمر
يا بنى اهدى شويه مش لما تقولى الاول انت هتتجوز مين
فقال مراد ممازحا
لا والله ما يحصل يعنى عمر المعقد يوم ما يفك عقدته ويقول اتجوز انا معرفش لا يا حبيبى اعرف الاول وبعدين احكيلك
ضحك عمر وقال
ماشى يا مراد وبعدين يا عم انا مش معقد ولا حاجه انت عارف السبب اللى كان مخلينى رافض الارتباط لحد دلوقتي واللى هو مرضى والنهارده لما الدكتور طمنى على النسب بتاعتى قولت افاتح بابا واقوله على البنت اللى بحبها
قال مراد بدهشة
بتحبها اى ده يعنى انت كان فى فقلبك حد
فقال عمر
ايوه يا مراد فى فقلبي واحده بحبها ومش من دلوقتي ده من ثلاث سنين وهى كانت بالنسبه ليا الحلم اللى بتعالج عشان احققه انا بحبها اوى يا مراد
تأثر مراد لاجل اخيه وقال
ربنا يجمعك بيها يا حبيبى وبعدين انت دلوقتي الحمد لله نسبه الشفا بتاعتك اكبر يعنى هتعيش وتحب وتتجوز كمان بس قولى بقا مين سعيده الحظ اللى وقعت عمر الدمنهورى فى حبها هى حد نعرفه ولا لا
ضحك عمر وقال
ايوه طبعا تعرفها دى حتى جارتنا
قال مراد متعجبا
جارتنا مين
قال عمر
سما بنت عم محمد النجار
تجمد مراد من الصدمة وقال
اى انت بتقول سما بنت عم محمد
قال عمر
ايوه هى يا مراد
قال مراد بوجع
واشمعنا هى يا عمر
فقال عمر بحب
عشان هى الوحيده اللى انا كل ما اشوفها قلبي بحس ان سابنى وراحلها بحب براءتها وجمال عيونها وطيبتها واخلاقها
قال مراد وهو يقاوم ألمه
بس يا عمر
فسأله عمر مستغربا
فى اى يا مراد انا قولت حاجه ضايقتك
قال مراد محاولا اخفاء ألمه
لا يا حبيبى مافيش حاجه بس انت قاعد تحب فيها دلوقتي حوش الكلام ده تقولو ليها لما تتقدملها
فقال عمر بحب
ياريت يا مراد هى توافق بابا هيكلم عم محمد النهارده ادعيلى
قال مراد بقهر
ربنا يريح قلبك يا عمر
ثم تركه وصعد الى غرفته وما إن دخل حتى انهار من شدة الوجع الذي يشعر به كان ممزقا بين نارين نار حبيبته التي يتمنى اجتماعها به ونار اخيه الذي تعب طويلا في مرضه ويتمنى ان يفرح بقلبه
صرخ مراد بقهر
يارب ساعدنى يارب انا مش عارف اعمل اى
ثم نام من شدة الحزن
في صباح اليوم التالي استيقظ مراد على رنين هاتفه فأجاب قائلا
ايوه يا سما
فقالت سما بحب
صباح الخير يا مراد عامل اى ياحبيبي قلقتنى عليك من امبارح مش بترد على تيلفونك
قال مراد بوجع
لا مفيش حاجه يا سما مشغول شويه
فقالت سما بدلع
من امتى وانت بتنشغل عنى يا سى مراد
قال ببرود مصطنع
من دلوقتي يا سما انا مش فاضى للدلع بتاعك ده وسلام دلوقتي عشان ورايا شغل مهم
وأغلق الهاتف قبل ان تنتظر ردها وجلست سما حزينة من اسلوب مراد الذى لم تعهده من قبل ومرت باقى اليوم تحاول الاتصال به وهو يرفض مكالماتها
فأرسلت له رسالة تقول
مراد يا حبيبى انا اسفه لو زعلتك فى حاجه انت ليه مش بترد عليا يعنى حتى لو زعلتك عاقبنى باى حاجه غير بعدك عني انا اموت فيها رد عليا عشان خاطرى
قرأ مراد الرسالة ودموعه تنهمر وهو يقول في نفسه
حقك عليا يا بنت قلبي بس انا مقدرش اكسر قلب اخويا بايدى ده ممكن يموت فيها سامحينى يا حبيبتى سامحينى واعذرى قلبي اللى هيموت فبعدك اعذرينى 
ومسح دموعه وقرر انه يستطيع كسر قلب اخيه وسوف يبتعد عن سما الى الابد ويسافر رغم أن قلبه يتمزق لفراقها
وبالفعل في اليوم التالي أبلغ والد سما ابنته بأن