ارهقنى عشقك بقلم سلمى نصار

ايدها بالعافيه لعربيته وبيقولها كلامنا ليسه مخلصش 
بتقوله سيبنى يا عز احسنلك 
بيقولها عز مش قبل مانخلص كلامنا وبيتحركو بالعربيه وبيقف فى مكان هادى وبيقولها انزلى 
ها كملى بقا كنتى بتقولى اى
ليان ببرود ما بقولش
لا قولتى قولتى انى عايش دور الضحيه تقصدى اى بكلامك 
قولتلك مقدى 
مسك عز ايدها بعنف وقالها انطقى ولا مش لاقيه سبب مقنع تقوليه او يمكن لسه بتالفى كدبه تعرفينى بيها قد اى انا انسان وحش وقاسى 
ايوه قاسى قالتها ليان بدموع وصوت عالى
قاسى اى اتصدمت ومش مصدق بس هى دى الحقيقه 
لما تبقى معلقنى بيك لدرجه انك بقيت كل حاجه فى حياتى وتبقى الشخص الوحيد اللى بتمنى اكمل عمرى معاه وفجاه تبعد عنى من غير سبب 
حتى السؤال مش بيتساله وانا كل ده بالتمس ليك العذر 
وف الاخر كملتها لما سمعتك فالفون بتكلم بنت وبتقولها وحشتينى يا صوفيا من اخرمره كنت عندك فيها يعنى كمان بتخونى 
وكل ده وف الاخر طلعت انا اللى ببعد من غير سبب وبوجع من غير سبب انت اى مبتحش 
قالت اخر كلامها بانهيار وهى قرب منها 
وقالها 
اهدى يا ليان اهدى يا بابا انتى فاهمه غلط وحياتك عندى فاهمه دى كانت من ضمن مهمه انا كنت فيها انا كنت بمثل ع البنت دى عشان اسحب منها معلومات ودى حاجات تخص شغلى مينفعش حد يعرفها 
بتبصله ليان بذهول وهى بتقوله انت اكيد بتكدب عليا
بيرد هو بكل حب وحنيه من امتى كدبت عليكى يا قلب عز 
انتى حبيبتى اللى انا بتمناها من وهى صغيره استنتها اللى كبرت قصاد عينى سنه بسنه وكنت بخاف عليها حتى من نفسي 
انتى روحى يا ليان انت عمرى كله انتى حب طفولتى وشبابى 
انا بعشقك بعشقك يا ليان 
بتبصله ايان وهى بتضحك وهى بتقوله بجد يا عز 
بيقولها عندك شك يا قلب عز 
اناكنت بعافر وبعدى الايام بصعوبه عشان اخلص دراستى واكون حاجه مهمه ف شغلى عشان اكون جدير بيكى ولما كل ده حصل قهرتينى وحرقتى قلبي لما لقيتك واقفه مع عيل ملزق بتقولى عليه خطيبك 
ليه ياليان تعملى كده انتى حتى لو بتعاقبينى متحرقيش قلبي بالشكل ده 
مش بعد ما حافظت عليكى متى تسمحى لحد يقرب منك بالشكل ده 
ليان بلهفه 
والله يا عز ما كنت بسمحله يقرب منى 
بس لما شوفتك جاى علينا مسكت ايده عشان اغيظك
بس كده
اى يا بت البراءه دى قالها عز بسخريه 
وبيكمل تصدقي انا هاين عليا اولع فيكى دلوقتي بس للاسف مشهقدر 
بس اقسم بالله يا ليان لو كلمتى الواد ده تانى يبقي استحملى اللى هيحصل ليكى وليه 
بترد عليه ليان وبتقوله اهدى يا وحش مش كده وبعدين انا قولتلك انا قربت منه لما عرفت انك بتخونى 
لكن دلوقتي لما فهمت الحقيقه وان انا كنت ظالماك عمرى ما هاكلمه تانى 
بيرد عز بضحكه وبيقولها كتر خيرك يا غلبي يلا بينا اروحك ياختى ده انتى جننتى امى 
بتضحك ليان بصوت عالى وبيتحركو بالعربيه ويمشو 
تانى يوم بتروح ليان الجامعه مع عز اللى استاذن من بابها وعدى انه يوصلها الجامعه ويروحها
بيوصل بالعربيه قدام جامعتها وقبل ما تنزل بيقولها 
ليان عشان خاطرى تخلى بالك من نفسك ومتقربيش من اللى اسمه هيثم ده تانى 
بصتله ليان بحب وقالتله انا بحبك يا عز ومش بشوف غيرك و عايزك تثق فيه وفى حبى ليك اكتر من كده انا منكرش انى غلط لما عالجت الغلط بغلط زيه يعنى انا المفروض كنت واجهتك وقت المكالمه مش اروح اقرب من حد تانى عشان اوجعك
انا اسفن يا عز سامحنى والله انت كل حاجه فى حياتى وقالت اخر كلامها بحزن
قالها انا بثق فيكى اكتر من نفسي يا حبيبى بس غصب عنى مش قادر انسى شكلك وانتى بتقوليلى ده هيكون خطيبى 
بس خلاص كل ده عدى وفات مش هنفتكره تانى احنا هنفكر ف ايامنا مع بعض بس 
ليان بحب ان شاء الله يا حبيبى انا هنزل بقا عشان متاخرش 
تمام قالها عز وهو بيفتح لها الباب وبتنزل ليان وهو بيتحرك بالعربيه
بتدخل ليان الجامعه وهى داخله بيعترض طريقها هيثم اللى قالها 
ووووووووووو